منتديات نهايه الانتظار
^•.•° ♥️ منتدىنهايه الانتظار♥️ °•.•^
أهلا وسهلا بك إلى منتديات نهايه الانتظار. فُرِشَتْ أزْهى وُرودِ الجوري .. فَرِحَـة
بِزيارَةِ طَيْفٍ خِفيفْ ,, حامِلَهً أرْوَعْ نَسِماتِ الصِـبا ...

منتديات نهايه الانتظار



 
الرئيسيةالتسجيلدخول
 
هلا والله فيكم هنا بالمنتدى منورين ياحبايب

شاطر | 
 

 قصيدة لشاب فقير بيخطب بنت عمه المليونير ( لاتفوتكم )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لولو الحلى كله
|~مشرفه~|
|~مشرفه~|
avatar

عدد المساهمات : 646

مُساهمةموضوع: قصيدة لشاب فقير بيخطب بنت عمه المليونير ( لاتفوتكم )    6/12/2012, 00:48

قصيدة لشاب فقير بيخطب بنت عمه المليونير ( لاتفوتكم )

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة
(( خربها ))
قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه

_________________






ربـــــــــــــــي أســــئلــــكـ غيـــــــــــــــــــثا !!
الرجوع الى أعلى الصفحة اذهب الى الأسفل
رورو ودودي
|~مشرفه~|
|~مشرفه~|
avatar

عدد المساهمات : 1574

مُساهمةموضوع: رد: قصيدة لشاب فقير بيخطب بنت عمه المليونير ( لاتفوتكم )    6/13/2012, 22:41

هههههههههههههههههههههههههه في النهاية جاااااب العييييد بس ترى نص الكلام ما فهمته
الرجوع الى أعلى الصفحة اذهب الى الأسفل
دفتر المرح
|~مشرفه~|
|~مشرفه~|
avatar

عدد المساهمات : 614

مُساهمةموضوع: رد: قصيدة لشاب فقير بيخطب بنت عمه المليونير ( لاتفوتكم )    6/14/2012, 02:48

هههههههههههههههههههههههههههههههه

الله يزوجه وحده احسن منها ذلوه Neutral

_________________
هناك علاقة عكسية بين الانتظار والانتظار فكلما زاد الأول نقص الثاني

سأنتظر حتى نهاية الانظار !!!!!ـ ="(
.......
الرجوع الى أعلى الصفحة اذهب الى الأسفل
 
قصيدة لشاب فقير بيخطب بنت عمه المليونير ( لاتفوتكم )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نهايه الانتظار :: ~~||المنتديات الادبيه ||~~ :: ع’ـذب آلگلآم وَ آلخ’ـوآطـر }~-
انتقل الى: